Электромобилларни қувватлаш станцияларини ташкил қилиш учун тадбиркорларга 10 фоизли имтиёзли кредитлар берилади, ерларни аукциондан 2 карра арзон нархда сотиб олиш имконияти яратилади.
Шаҳарларда экологик стикерлар тизими жорий қилинади
Тошкент ва бошқа йирик шаҳарларда тирбандликларни камайтириш ва ҳавони ҳимоя қилиш мақсадида автомобиллар чиқарадиган зарарли моддалар даражасига қараб экологик стикерлар бериш тизими жорий қилинади.
Катта ифлословчи автомобиллар марказий ҳудудларга кириши чекланади, эски машиналарни янгисига алмаштириш ёки фильтр ўрнатиш учун давлат субсидия ва автокредит қўллаб-қувватлаши берилади.
Шунингдек, жамоат транспорти ривожлантирилади: автобус ва такси йўлаклари кўпайтирилади, Тошкент, Самарқанд ва Наманганда транспорт интеллектуал светофорлар орқали бошқарилади.
