21 декабрь куни Туркия Бош ассамблеясида 2026 йил Марказий ҳукумат бюджети ҳамда 2024 йил якуний ҳисобот тўғрисидаги қонунлар бўйича овоз бериш жараёнида депутатлар ўртасида муштлашув юз берди. Бу ҳақда “Ҳаберлер” нашри хабар берди.
Маълумотларга кўра, можаро Республика Халқ партияси фракцияси раиси ўринбосари Мурат Эмирнинг Адолат ва тараққиёт партияси депутати Мустафо Варанкка ташланиши билан бошланган. Қисқа вақт ичида жанжалга бошқа депутатлар ҳам қўшилиб, у оммавий муштлашувга айланган.
Ҳамкасбларнинг аралашуви билан можаро тўхтатилган. Шунга қарамай, овоз бериш якунига етказилиб, 2026 йил бюджети ва 2024 йил якуний ҳисобот тўғрисидаги қонунлар қабул қилинган. Қайд этилишича, 320 нафар депутат ҳужжатларни қўллаб-қувватлаган, 249 нафари эса қарши овоз берган.
Туркия парламентида бундай ҳолатлар аввал ҳам кузатилган. Хусусан, 2022 йилда бюджет муҳокамалари чоғида депутатлар ўртасида тахминан 10 дақиқа давом этган муштлашув содир бўлганди.
