Ўзбекистон Президенти Шавкат Мирзиёев Японияга расмий ташрифи доирасида 19 декабрь куни Япония иқтисодиёт, саноат ва савдо вазири Рёсей Аказавани қабул қилди.
Учрашувда савдо-инвестициявий ҳамкорликни кенгайтириш, саноат кооперациясини ривожлантириш ва қўшма лойиҳаларни амалга ошириш масалаларига алоҳида эътибор қаратилди. Давлат раҳбари сўнгги йилларда Япониянинг Ўзбекистон иқтисодиётига тўғридан-тўғри инвестициялари сезиларли даражада ошганини қайд этди. Хусусан, қўшма корхоналар сони 10 баравар кўпайиб, лойиҳалар қиймати 20 миллиард доллардан ошган.
Томонлар муқобил энергетика, карбонсизлантириш ва муҳим хомашё йўналишларида ҳамкорликни чуқурлаштириш муҳимлигини таъкидлади. Шунингдек, савдо-иқтисодий ҳамкорлик бўйича ҳукуматлараро комиссия тузиш ва ЖЕТРО ҳамда РОТОБО иштирокида ишбилармонлик алоқаларини кенгайтириш бўйича дастур ишлаб чиқиш юзасидан келишувга эришилди.
