Санаадаги Махсус жиноят суди 22 ноябрь куни “жосуслик гуруҳлари” иши бўйича ҳукм эълон қилиб, Исроил ва ғарбий иттифоқчилар номидан маълумот тўплаганликда айбланган 17 нафар яманликни жамоат жойида отиб ўлдиришга қарор қилди. Яна бир эркак ва аёл 10 йилга қамалди, яна бир киши эса айбловлардан оқланди.
Прокурорлар айбланувчиларни 2024–2025 йилларда АҚШ, Исроил, Саудия Арабистони ва Буюк Британия фойдасига жосуслик қилганликда айбламоқда. Суд ҳукмига кўра, улар апелляция бериши мумкин.
Al Jazeera’нинг ёзишича, “Моссад” айбланаётганлар билан алоқа ўрнатиб, бир қатор ҳарбий ва фуқаролик объектларига зарбалар берилганига сабаб бўлган. Оқибатда ўнлаб одамлар ҳалок бўлиб, инфратузилмалар жиддий зарарланган.
2023 йилда Ғазодаги уруш аважи жадаллашганидан кейин АҚШ ва Буюк Британия Яманда ҳусийлар позицияларига ҳаво зарбалари берган эди. Ҳусийлар эса фаластинликларни қўллаб-қувватлаш мақсадида Исроилга ва Қизил денгиз транзитига ҳужумлар уюштирган.
Келишувдан кейин ҳужумларни тўхтатганига қарамай, Исроил август ойида Яманда йирик ҳаво зарбалари амалга оширган ва ҳусийлар бош вазири Аҳмад ар-Раҳовийнинг ҳалок бўлганини тасдиқлаган эди.
