Нигерия шу ҳафтада иккинчи оммавий болалар ўғирланишини бошдан кечирмоқда. Жума куни қуролланган шахслар Нигер штатининг Папири шаҳридаги Авлиё Мери католик мактабига бостириб кириб, болалар ва ўқитувчиларни ўғирлаб кетишди. Нигерия христиан ассоциацияси маълумотларига кўра, 303 нафар бола ва 12 нафар мактаб ходими (тўрт нафар аёл ва саккиз нафар эркак) ўғирлаб кетилган.
Аввалроқ 215 нафар бола ва 12 нафар ўқитувчи ўғирлаб кетилгани хабар қилинганди, бироқ мактаб устидан юрисдикцияга эга бўлган Контагора епархияси эпископи кейинчалик янгиланган рақамларни келтирди.
“Папиридаги мактабни тарк этганимиздан сўнг биз қўнғироқ қилиш, текшириш ва муваффақиятли қочган деб ўйлаганлар ҳақида қўшимча суриштирув ўтказишга қарор қилдик ва яна 88 нафар ўқувчи қочишга урингандан кейин қўлга олинганини аниқладик”, деди у.
Шундай қилиб, мактабнинг 629 нафар ўқувчисининг деярли ярми ўғирланганлар рўйхатига киритилган.
