Айрим овқатланиш муассасалари таом нархидан ташқари 10–20 фоизлик “хизмат ҳақи” ундираётгани ва мижозлардан олдиндан депозит талаб қилаётгани аниқланди. Бу ҳақда Истеъмолчиларнинг мурожаатлари асосида Рақобат қўмитаси маълум қилди.
Қўмитага кўра, истеъмолчини менюда кўрсатилмаган хизмат учун мажбурий тўловга мажбурлаш мумкин эмас. Таом нархи, хизмат кўрсатиш шартлари ва барча қўшимча тўловлар мижозга олдиндан аниқ кўрсатилиши шарт.
Рақобат қўмитаси ресторан ва кафеларни амалдаги қонунларга риоя қилишга чақирди ҳамда мижозларга ўз ҳуқуқларини билиб юришни тавсия қилди.
