Шимолий Кореяда электр велосипед ва аккумуляторли мотоцикллар соҳасида фаолият юритган икки тадбиркор “аксилреспублика фаолияти” айблови билан очиқ майдонда қатл этилди.
Улар муваффақиятга эришгач, “кибрланиб кетгани”, қиммат нарх қўйгани ва аҳолига “ҳурматсиз муомала қилгани” белгиланган.
Пхеньянда ўтказилган қатлни 200 дан ортиқ одам, жумладан болалар ҳам мажбуран томоша қилгани айтилади. Тадбиркорлар августда ҳибсга олиниб, сўроқ қилингач, сентябрь бошида ўлим жазосига ҳукм қилинган.
Улар чет эл валютасини ноқонуний айлантириш ва ташқи ташкилот билан ҳамкорликда давлатга қарши хабар тарқатишда ҳам айбланган.
Қатлдан кейин бозорда савдо кескин пасайган, уларга тегишли корхоналар ёпилган ва аккумулятор бозори издан чиққани маълум қилинди.
Маҳаллий манбаларга кўра, ҳодиса тадбиркорларга “чегарадан чиқсанг, оқибати оғир бўлади” деган очиқ сигнал бўлган.
