АҚШ президенти Дональд Трамп Хитой раҳбари Си Цзиньпин билан учрашувдан сўнг Пекин Украинадаги урушни якунлашда ёрдам беришини айтди. Бироқ экспертлар бу баёнотни шубҳа остига олмоқда.
Украиналик таҳлилчи Наталия Плаксиэнко-Бутирскаянинг сўзларига кўра, Хитой Россия нефтини сотиб олишни тўхтатишга рози бўлмаган, Трамп эса бу масалани кескин қўймаган. “Бу Трампнинг урушни тўхтатиш бўйича Хитойдан тезкор қўллаб-қувватлаш топмаганини кўрсатади”, — дейди у.
Гейделберг университети олими Марина Рудяк эса Трамп ва Си учрашувида аниқ келишув бўлмаганини таъкидлади. Унга кўра, агар уруш тугаса, АҚШнинг эътибори Осиё минтақасига ўтади, бу эса Хитой манфаатларига зид.
Берлинлик эксперт Ангела Штантсел ҳам учрашувдан катта натижа кутмаслик кераклигини айтиб, Трампнинг Пекинга нисбатан босим ўтказиш имкониятлари чекланганини эслатди. Унинг фикрича, АҚШ учун муҳим бўлган Хитойнинг нодир металлари, фентанил муаммоси ва савдо чекловлари Трампнинг сайловчиларига салбий таъсир кўрсатмоқда.
