Америкалик миллиардер Илон Маск Grok сунъий интеллекти асосида яратилган Grokipedia номли янги онлайн энциклопедияни тақдим этди, деб хабар беради CNN.
Платформа ташқи кўриниши жиҳатидан Wikipedia’ни эслатади, бироқ ёпиқ тизимда ишлайди — фойдаланувчиларга фақат фикр билдириш орқали хатолик ҳақида хабар бера олади.
Ҳозирча Grokipedia 800 мингга яқин мақола мавжуд (Wikipedia’да эса 7 миллиондан ортиқ). Маскнинг айтишича, лойиҳа Grok AI’нинг ривожланишига қараб такомиллашиб боради. У ҳатто сайт нусхаларини Ой ва Марс орбитасига юбориш ниятида эканини ҳам билдирган.
