Яман пойтахти Сана шаҳрининг жануби-ғарбий қисмида ҳусий исёнчилари БМТга қарашли 20 нафар ходимни жосусликда айблаб ҳибсга олди. Бу ҳақда “Тhе Guardian” нашри хабар берди.
Улар орасида 5 нафар яманлик ва 15 нафар чет эллик ходим бўлган. 19 октябрь куни уларнинг 11 нафари сўроқдан сўнг озод қилинган. Маълумотларга кўра, бу 24 соат ичида БМТ биносига уюштирилган иккинчи рейд ҳисобланади.
БМТ вакилининг сўзларига кўра, ҳусийлар ташкилот биносидаги барча алоқа воситаларини — телефонлар, серверлар ва компьютерларни мусодара қилган.
Ҳибсга олинганлар орасида UNICEF, Жаҳон озиқ-овқат дастури (WФП) ва Гуманитар масалаларни мувофиқлаштириш бошқармаси (ОЧА) ходимлари ҳам бор.
Аввалроқ, ҳусийлар шу йилнинг 31 августида ҳам БМТ ходимларини ҳибсга олиб, техник жиҳозларни мусодара қилгани маълум қилинган эди.
