Жорий йилнинг 1 октябрь куни 22 ёшли ўзбекистонлик бола Россиянинг Архангелск шаҳрида қурулиш ишлари давомида ҳалок бўлди. Бу ҳақда Ўзбекистон Республикасининг Санкт-Петербург шаҳридаги Бош консулхонаси хабар берди.
Маълум қилинишича, ушбу ҳолат юзасидан Бош консулхона томонидан Россия Ташқи ишлар вазирлигининг Архангелск вилоятидаги ваколатхонасига тегишли нота юборилган. Маълум бўлишича, 2003 йилда Сурхондарё вилояти туғилган фуқаро Н.С. “Кориса” турар-жой комплексида олиб борилаётган қурилиш ишлари давомида 5 қаватидан тушиб кетиб, вафот этган.
Ҳолат юзасидан Архангелск шаҳри Соломбал округи тергов бўлими томонидан Россия Федерацияси Жиноят кодексининг 216-моддаси 2-қисми билан (қурилиш ёки бошқа ишларни бажаришда хавфсизлик қоидаларини бузиш) жиноят иши қўзғатилган ва ҳозирда тергов ҳаракатлари олиб борилмоқда. Ушбу ҳолат Бош консулхона назоратига олинган.
