Суҳбатда икки мамлакат стратегик шериклигини кенгайтириш ва муҳим йўналишлар муҳокама қилинди.
Учрашувда сиёсий мулоқотлар, иқтисодий ҳамкорлик, инвестиция ва ишбилармонлик алоқалари юзасидан фикр алмашилди. Президент Трамп Ўзбекистонда амалга оширилаётган ислоҳотларни қўллаб-қувватлади, Мирзиёев эса АҚШ етакчисини мамлакатга расмий ташриф билан келишга таклиф этди.
Фуқаро авиацияси, минерал ресурслар, энергетика, инновациялар ва молия соҳаларида шартномалар портфели шакллантирилгани таъкидланди. Бу лойиҳалар икки мамлакатда минглаб янги иш ўринларини яратиши қайд этилди.
Музокаралар дўстона ва очиқ руҳда ўтгани билдирилди.
