Ўзбекистонда болалар камбағаллиги 21,5 фоиздан 11,4 фоизга тушган. Бу ҳақда Ижтимоий ҳимоя миллий агентлиги хабар берди.
Маълум қилинишича, Наманганда бўлиб ўтаётган халқаро форум доирасида UNICEFнинг Ўзбекистондаги ваколатхонаси раҳбари Реҳина Cастижио мамлакатда болалар камбағаллигини қисқартириш борасида эришилган ютуқлар ва келгусидаги вазифалар ҳақида маъруза қилган.
Унга кўра, 2021–2024-йилларда Ўзбекистонда болалар камбағаллиги 21,5 фоиздан 11,4 фоизга тушган.
Бу – тўрт йил ичида 10 фоизлик камайишдир. Айниқса, ижтимоий нафақалар, болалар учун моддий ёрдам ва пенсиялар камбағалликни камайтиришда муҳим омил бўлди. Агар ушбу ёрдамлар бўлмаганида, болалар камбағаллиги даражаси кескин ўсиши мумкин эди.
Шунингдек, инсон капитали ривожи учун давлат кафолатлаган универсал хизматлар – таълим, соғлиқни сақлаш ва болаларни ҳимоя қилиш муҳим пойдевор ҳисобланади.
Cастижио хонимнинг таъкидлашича, болалар камбағаллигини қисқартириш ижтимоий-иқтисодий сиёсатнинг марказида туриши зарур. UNICEF Ўзбекистон ҳукуматини кўп тармоқли ёндашув асосида қўллаб-қувватлашга тайёрлигини билдирган.
