Бир йил давом этган зўравонлик, фожиали тугаган ҳаёт — бола вафот этди
Қирғизистонда 51 ёшли эркак ўзининг 20 ёшли ўғлининг рафиқасини бир йил давомида зўрлашда гумонланиб ҳибсга олинди. Бу ҳақда мамлакат Омбудсман институти хабар берди.
Аёлнинг сўзларига кўра, у 2024 йилда турмуш қурганидан сўнг қайнотаси томонидан пичоқ билан қўрқитилиб зўрланган.
Зўрлик ҳолатлари мунтазам давом этган, лекин қайнонаси буни жим кузатган. Аёл ҳомиладор бўлиб, апрель ойида фарзанд дунёга келган. Аммо туғруқдан 15 кун ўтиб яна зўрланган.
Май ойида аёл воқеани эри билан бўлишган. Бунинг ортидан қайнота келин-куёвга жисмоний тазйиқ ўтказиб, уларни уйдан ҳайдаб чиқарган ва боласини олиб қолган.
Аёл июль охирида полицияга мурожаат қилган. 16 август куни гумонланувчи ҳибсга олинган. У сўроқ вақтида 50 минг сом пора таклиф қилган. Энди у пора беришда ҳам айбланмоқда.
