“Ўзгидромет” хабарига кўра, 30 август куни республика бўйича ҳаво бироз булутли бўлади, ёғингарчилик кутилмайди. Шамол асосан шарқдан 7-12 м/с тезликда эсади, баъзи жойларда 13-18 м/с гача кучайиши, айрим ҳудудларда эса чанг-тўзонлар билан кузатилиши мумкин.
Пойтахт Тошкентда ҳаво бироз булутли, ёғингарчилик кутилмайди. Шамол 3-8 м/с тезликда эсади, баъзи ҳудудларда 10-12 м/с гача кучайиши мумкин. Ҳарорат кечаси 22-24°, кундузи 34-36° бўлади.
Тоғли ҳудудларда ҳаво бироз булутли, ёғингарчилик кузатилмайди. Шамол 7-12 м/с тезликда эсади, баъзи жойларда 13-18 м/с гача кучаяди. Ҳарорат кечаси 15-20°, кундузи 23-28° бўлади, қолган ҳудудларда эса ҳарорат 30-40° атрофида бўлиши кутилмоқда.
