Ташқи ишлар вазирлиги маълум қилишича, Ўзбекистон Республикаси Конституцияси, миллий қонунлар ҳамда халқаро ҳуқуқнинг умумеътироф этилган принциплари ва нормаларига мувофиқ, мамлакат фуқаролари дунёнинг исталган нуқтасида бўлишидан қатъи назар, давлат ҳимоясида ҳисобланади.
Агар фуқароларнинг ҳуқуқлари, эркинликлари, қонуний манфаатлари ёки қадр-қиммати хорижда бузилса, улар энг аввало қабул қилувчи давлатнинг ваколатли ҳуқуқ-тартибот органларига мурожаат қилиши керак.
Шунингдек, улар Ўзбекистоннинг дипломатик ваколатхоналари ёки консуллик муассасаларига ҳам ҳуқуқий ва консуллик ёрдами сўраб мурожаат қилиши мумкин.
Вазирликнинг таъкидлашича, хорижда фуқароларни ҳимоя қилиш давлат сиёсатининг муҳим йўналишларидан бири бўлиб, бу масъулият давлатнинг ўз фуқаролари олдидаги конституциявий мажбуриятларидан келиб чиқади.
