Ўзбекистон журналистика ва оммавий коммуникациялар университети ректори Шерзодхон Тожиддинхон ўғли Қудратхўжа “Ўзбекистон Республикасида хизмат кўрсатган журналист” фахрий унвони билан тақдирланди.
Президент Шавкат Мирзиёев тегишли фармонни 25 август куни имзолаган бўлиб, мукофот Мустақилликнинг 34 йиллиги муносабати билан турли соҳа вакилларига берилди.
Шерзодхон Қудратхўжа фаолияти давомида матбуот ва журналистика тизимида муҳим лавозимларда ишлаган, давлат идораларида, олий таълимда, оммавий ахборот воситаларида салмоқли тажриба тўплаган.
У илгари “Олтин қалам” мукофоти, “Меҳнат шуҳрати” ордени ва бошқа бир қатор ютуқларга ҳам сазовор бўлган.
