2025 йил 3 апрель куни Жаннат исмли қиз Тошкент вилоятининг Келес шаҳрига турмушга узатилган.
Онасининг сўзларига кўра, қиз бахтли эди ва турмуш қуришга ўзи рози бўлган. Бироқ тўйдан уч кун ўтиб, 6 апрель куни қизининг жасади оила аъзоларига топширилган.
Марҳуманинг онаси Millar дастурига берган интервьюсида, қизи бўғиб ўлдирилганини тахмин қилмоқда.
Қайнона эса ўлим вақтида уйда ҳеч ким бўлмаганини айтиб, келин ўз жонига қасд қилганини даъво қилган. Онанинг таъкидлашича, бундай версия ҳақиқатга тўғри келмайди.
Бош прокуратура вакили Хаёт Шамсутдиновга кўра, терговга қадар ўтказилган текширувда жиноят аломатлари аниқланмаган ва шу сабабли жиноят иши қўзғатилмаган. Ҳозирча судга оид тиббий экспертиза ўтказилгани ёки йўқлиги номаълум.
