Тошкент шаҳрида қизил рангдаги тунги автобусларнинг илк йўналиши 2025 йилнинг охирига қадар иш бошлайди.
Автобуслар 15 та йўналишда Аэропорт, Вокзал ва Туризм кўчалари бўйлаб соат 22:00 дан эрталаб 06:00 гача ҳаракатланади. Уларнинг оралиқ интервали дастлаб 30 дақиқани ташкил этади.
Ушбу ташаббус 2 босқичда амалга оширилиб, биринчи босқичда 8 та йўналиш бўлиб, жами 136 км йўлни қамраб олади. Мазкур йўналишларда 31 та автобус ҳаракати йўлга қўйилади. Бунинг учун 19,1 миллиард сўм маблағ йўналтириш зарур.
Иккинчи босқичда эса 7 та йўналиш 98 километрлик йўлдан ўтиб, ҳаракатга 23 та автобус жалб этилади. Бу учун ҳам 14,2 миллиард сўм сарфланиши режалаштирилган.
Автобус Бектемир туманининг Ҳусайн Бойқаро кўчасидан Қўйлиқ бозори тарафга ҳаракатланиб, Қўйлиқ бозоридан ҳозирги Хонободтепа шоҳ кўчаси орқали юради ва жорий йилнинг охирига қадар ишга туширилади.
