Франция президенти Эммануэл Макроннинг айтишича, Россия президенти Владимир Путин Украинага нисбатан “тинчлик” таклиф қилаётгани йўқ, у капитуляция талаб қилмоқда.
Унинг таъкидлашича, барқарор тинчлик битими учун Украина кучли армияга эга бўлиши керак. Шу билан бирга, Европа мамлакатлари АҚШ президенти Дональд Трампдан Киевга хавфсизлик кафолатларини қай даражада қўллаб-қувватлашини аниқлаши зарур.
Макрон вазиятни “Украина ва Европа учун ниҳоятда жиддий” деб баҳолаб, Россия олдида бўшлик кўрсатилса, келажакдаги можароларга замин яратилишини огоҳлантирди.
