Фрейбург университети профессори, тарихчи Ёрн Леонхард фикрича, Владимир Путинга нисбатан ҳар қандай муроса ёки асимметрик ён беришлар фойда бермайди. Унга кўра, Россияни фақат аниқ чизилган “қизил чизиқлар” ва ишончли тўхтатувчи механизм тўхтатиши мумкин.
Леонхард бу хулосани бундан 80 йил аввал ўтган Потсдам конференциясидан олиб чиқади. У ерда Сталин Ғарб демократиясининг заифлигини нотўғри баҳолаган, аммо АҚШ ва Британиянинг мувофиқлаштирилган позицияси муҳим роль ўйнаган.
Тарихчининг таъкидлашича, 1945 йилдан кейин кўплаб урушлар расмий тинчлик шартномаси билан эмас, балки заиф сулҳ ёки БМТ резолюцияси билан тугаган. У бундай ҳолат Украинадаги урушда ҳам такрорланиши мумкинлигини айтади: Россия вақтинча сулҳ ортидан кейинчалик яна уриниш қилиши эҳтимолдан холи эмас.
У шунингдек, халқаро ҳуқуқнинг емирилиши, урушлар шаклининг ўзгариши — давлатлараро можаролар билан бирга фуқаролик, этник зиддиятлар ва киберҳужумлар аралашган мураккаб ҳолатга эътибор қаратди.
