Украина Миллий коррупцияга қарши бюроси (НАБУ) сўровига кўра, Германия ҳуқуқ-тартибот органлари президент Владимир Зеленский девони собиқ раҳбар ўринбосари Ростислав Шурмага тегишли уйда тинтув ўтказди. Бу ҳақда Spiegel нашри хабар берди.
Маълум қилинишича, 15 июль куни Баверия федерал ерида жойлашган Штарнберг шаҳридаги Шурмага тегишли хонадонда тинтув ишлари олиб борилган.
Эслатиб ўтамиз, Ростислав Шурма 2024 йил сентябрь ойида Володимир Зеленский томонидан лавозимидан озод этилган эди. Украинская правда нашрининг ёзишича, унинг ишдан бўшатилишига манфаатлар тўқнашуви ҳамда АҚШ расмийларининг босими сабаб бўлган.
Spiegel нашри Шурманинг айни пайтда Россиянинг Украинага қарши уруши давом этаётган бир вақтда қандай қилиб Германиянинг Баверия ҳудудида яшаётганига аниқлик киритмаган.
41 ёшли украиналик сиёсатчи нега айнан Штарнбергни яшаш учун танлагани ҳозирча номаълумлигича қолмоқда.
