Дилан Читак полиция назоратини четлаб ўтиб, автомашинасини ҳуқуқ-тартибот ходимлари томон ҳайдагани маълум қилинди
Туркия шоу-бизнесида навбатдаги шов-шув. Машҳур қўшиқчи Иброҳим Тотлисаснинг қизи, хонанда Дилан Читак полицияга нисбатан қилган ҳаракати билан кенг жамоатчиликнинг қаттиқ танқидига учради.
Истанбулдан Бодрумга сафар қилган Читак Бодрумдаги Коножик Ататюрк бульварида полиция назоратини четлаб ўтиб, автомашинасини ҳуқуқ-тартибот ходимлари томон ҳайдагани маълум қилинди. Бу воқеа катта шов-шувга айланди.
Гувоҳларнинг айтишича, Дилан Читак полициянинг “тўхта” деган буйруғини инкор этиб, ҳаракатини давом эттирган ва ҳатто машинасини политсиянинг устига ҳайдаган. Бу ҳаракатга жавобан полиция ходимлари ҳавога огоҳлантирувчи ўқ узишга мажбур бўлган.
Кейинчалик, Читак автомашинасини ташлаб, бошқа машинага ўтирган, бироз вақтдан сўнг эса яна ўз машинасига қайтиб, эшикларни беркитиб олган. Охир-оқибат, Дилан Читак эшикни очган ва у қўлга олинган.
Қўлга олиш жараёнида Читак: “Мен Иброҳим Тотлисасснинг қизиман! Мени машҳур бўлганим учун шундай қилаяпсизлар!” деган сўзлари билан полицияга қарши чиққан. Унинг бу сўзлари ижтимоий тармоқларда кенг муҳокамага сабаб бўлган
Дилан Читакнинг инкор баёнотига биринчи бўлиб унинг акаси Идо Танлиқсес жавоб берди. У туркиялик журналист Иззат Чапанинг танқидий постига лайк босиш орқали муносабат билдирди.
