Тошкент шаҳар ИИББнинг берган хабарига кўра, жорий йилнинг 26 июль куни соат 01:05 ларда Тошкент шаҳрининг Шайхонтоҳур тумани Нурафшон кўчасида йўл-транспорт ҳодисаси содир бўлган.
Дастлабки маълумотларга кўра, 2005 йилда туғилган Б.Б. Спарк русумли автомашинани бошқариб кетаётган вақтда руль бошқарувини йўқотиб, бетон устунга урилган.
Ушбу ЙТҲ оқибатида ҳайдовчи оғир тан жароҳатлари олиб, воқеа жойида вафот этган. Шунингдек, автомашина ичида бўлган йўловчи — 2004 йилда туғилган А.Ж. ҳам тан жароҳати олиб, унга воқеа жойида биринчи тиббий ёрдам кўрсатилган.
Ҳолат юзасидан Тошкент шаҳар ИИББ Тергов бошқармаси томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилди. Ҳозирда тергов ишлари олиб борилмоқда, дейилади хабарда.
