Владимир Зеленский украиналик ҳарбийларнинг маошларини ошириш учун Европа иттифоқидан молиявий ёрдам сўрашни режалаштирмоқда. Бу ҳақда Bloomberg Зеленскийнинг журналистлар билан суҳбат чоғидаги баёнотига таяниб ёзмоқда.
“Аввалроқ, европаликлар ҳарбий хизматчиларимиз маошларини молиялаштиришни рад этишган, фақат қуроллар учун маблағ ажратишган. Бизнинг ҳарбий хизматчиларимизнинг ўзи ҳаммани ҳимоя қиладиган қурол бўла олади”, дея Зеленскийнинг сўзларидан иқтибос келтирган Bloomberg агентлиги.
Зеленский молиявий масалани аллақачон Урсула фон дер Ляен, Марк Рютте, Эммануэл Макрон, Кир Стармер ва АҚШ вакиллари билан муҳокама қилмоқда. Унинг таъкидлашича, гап шунчаки қўллаб-қувватлаш ҳақида эмас, балки умумий хавфсизликка йўналтирилган сармоя ҳақида бормоқда.
