Қорақалпоғистонда “Бердақ” номидаги Қорақалпоқ давлат университети ўқитувчиси Г.Н. талабаларни якуний имтиҳондан ўтказиб беришни ваъда қилиб, 18,3 миллион сўм пора олган пайтда ашёвий далиллар билан ушланди.
Бош прокуратура ҳузуридаги Департамент маълумотига кўра, у фуқаро А.Д.нинг ишончига кириб, танишлари орқали 17 нафар талабага ёрдам беришини айтган.
Ҳодиса ДХХ, ИИБ ва Департамент ходимлари ҳамкорлигида ўтказилган тезкор тадбирда фош этилган.
Унга нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) бўйича иш қўзғатилди. Тергов ишлари олиб борилмоқда.
