Тошкент шаҳрида ички ишлар тизими мансабдори фирибгарлик ва пора олишда гумонланиб, қўлга олинди. Бу ҳақда ДХХ Darakchi.uz'га маълум қилинди.
Маълумотларга кўра, Мирзо Улуғбек туманидаги ИИО фаолиятини мувофиқлаштириш бошқармаси бўлинма бошлиғи, подполковник унвонидаги У.С. Жиноят кодексининг 273-моддаси билан айбланаётган шахсга нисбатан қамоқ эҳтиёт чораси ўрнига гаров қўлланилишини ваъда қилган. Бунинг эвазига айбланувчининг қариндошидан 18 000 АҚШ доллари олган.
Аммо ваъдасини бажара олмаган мансабдор, пулнинг бир қисмини қайтармоқчи бўлган пайтда ашё далиллари билан ушланди.
Ҳозирда унга нисбатан Жиноят кодексининг 168-моддаси (фирибгарлик) ва 211-моддаси (пора олиш) билан иш қўзғатилган. Қамоқ эҳтиёт чораси қўлланилган. Тергов ишлари давом этмоқда.
