Лондон судида Украинага инсонпарварлик ёрдами ортилган омборни ёқиб юбориш иши бўйича тўрт шахс айбдор деб топилди.
Суд ҳайъати 23 ёшли Жейким Роуз, 20 ёшли Агнис Асмена ва 23 ёшли Нии Менсанинг айбини тўлиқ исботланган, деб ҳисоблаган. Улар омборни атайлаб ёқишда иштирок этган.
20 ёшли Эштон Эванс эса жиноят ҳақида олдиндан билган, аммо ҳуқуқ-тартибот органларига хабар бермаганликда айбдор деб топилди.
Бу ишда яна икки шахс оқланган: 61 ёшли Пол Инглиш чет эл разведкасидан маблағ олиб, ёнғинни уюштирганликда айбдор эмас, деб топилди.
23 ёшли Дмитриус Паулаускас эса жиноят ҳақида хабар бермаганликда айбланган, бироқ унинг айби исботланмади.
