Ўтган ой Шимолий Корея ўзининг янги ҳарбий кемасини сувга тушираётганда, у сувда ағдарилиб кетди. Бу ҳодиса нафақат кема балки бутун дунё ОАВ эътиборида бўлди. Қизиғи, ҳеч ким ҳалок бўлмади, зарар ҳам катта эмасди.
Унда нега бу воқеа бунчалик муҳим бўлди?
Гап кема ҳақида эмас, Ким Чен Иннинг бунга бўлган муносабатида.
У буни “жиноят” деб атади. Унга кўра, бу воқеа мамлакатнинг “шаънини ерга урди”. Шу заҳоти айбдорлар жазоланди — тўрт нафар партия расмийси ҳибсга олинди. Ким эса кемани дарҳол тузатишни буюрди. Ва, ажабланарли даражада, орадан уч ҳафта ўтиб, кема яна сувга туширилди.
Бу бизга Шимолий Корея режими ҳақида кўп нарсани очиб беради.
Ҳарбий куч – Ким Чен Иннинг обсесияси
Шимолий Корея ядровий қуролларга эга бўлса-да, унинг денгиз флоти жуда заиф. Қўшнилари – Жанубий Корея, Япония ва АҚШ – энг кучли флотларга эга. Ким Чен Ин эса буни ўзгартирмоқчи. У ядровий қуролли кема қуришни режага қўйди. Бу ағдарилган кема – ана шу режадаги муҳим қадам эди. Биринчи кемани апрель ойида сувга туширишган. Бу эса иккинчиси эди.
Оғирлиги 5000 тонна бўлган бу кема Шимолий Корея тарихидаги энг катта ҳарбий кемадир ва назарий жиҳатдан ядровий ракеталарни учиришга қодир.
Ағдарилиш – катта шармандалик
Жанубий Корея ҳарбий флоти капитани бўлган Чхои Ил айтишича, бундай даражадаги кема қурилишида хатолик бўлиши жуда кам учрайди. Бу ҳодиса Шимолий Корея кема қурилиш технологиясининг заифлигини фош қилди. Энг ёмони, бу кема Ким Чен Иннинг ўзи кўз ўнгида сувга туширилган ва шунда ағдарилган.
Шимолий Корея “ҳар доим ўзини кучли кўрсатишга уринади”. Шу сабабли Кимнинг ғазаби жойида эди.
Энди хатоликлар яширилмайди
Олдинлари Шимолий Корея ёмон янгиликларни яшириб келган. Аммо энди бу ўзгаряпти. Чунки одамлар ахборотга киришни ўрганиб қолишган. Энди режим хатони яшириш ўрнига, уни эълон қилади, айбдорларни жазолайди ва “раҳбар ишлаяпти” деган таассурот уйғотади.
Бу стратегия ишлаётганга ўхшайди. Уч ҳафтада кема тузатилди. Бу орқали режим ўзини қаттиқ ишлаётган, жавобгар раҳбар сифатида кўрсатди.
Оддий ишчининг ўлими – садоқат рамзи
Ким кема қурилишида ҳалок бўлган бир ишчини тилга олиб, уни “жонини фидо қилган фидойи” деб атади. Бошқача айтганда, хатолик учун раҳбар ўзини айбдор деб ҳисоблаш ўрнига, садоқатли ишчини кўрсатиб, халққа садоқат ибратини берди. Бу ҳам пропаганданинг бир кўриниши.
Орқада қолган эмас, олдинга юраётган давлат
Ким Чен Ин ўз мақсадидан қайтмайди. Ҳарбий куч – айниқса ядровий денгиз флоти – у учун энг катта стратегик мақсад. Шунга интилаётганини, вақти келганда эришишини кўрсатиб қўйди.
Бошқаларга кулгили бўлиб туюлса-да, Шимолий Корея аста-секин олдинга юраяпти.
“Уларнинг кемаси сувда ағдарилиши кулгили кўринса-да, уларнинг қатъияти жиддий. Биз ҳушёр бўлишимиз керак”, – дейди мутахассислар.
