Кеча, 15 июнь куни Эрон ҳудудидан Исроил томон уюштирилган ракета ҳужуми оқибатида камида 3 киши ҳалок бўлди, яна 67 нафари жароҳатланди. Бу ҳақда Исроилнинг миллий тиббий хизмати – Маген Давид Адом (МДА) ёзмоқда.
Қайд этилишича, ярадорлардан бири – 30 ёшли аёл – оғир аҳволда, 6 нафар фуқаро ўртача даражадаги, 60 нафари эса енгил жароҳат ёки руҳий зарба олган.
Шу билан бирга, Эрон соғлиқни сақлаш вазирлиги маълум қилишича, Исроил томонидан бошланган "Халқ шер” каби ҳарбий амалиёти давомида Эронда 224 киши ҳалок бўлган, 1277 нафар фуқаро эса турли даражада тан жароҳатлари билан шифохоналарга ётқизилган.
Расман эълон қилинган маълумотларга кўра, қурбонларнинг 90 фоизини тинч аҳоли ташкил этмоқда.
