“Ўзбекгидроэнерго” АЖ Андижондаги Жанубий Фарғона каналида юз берган техноген ҳолат юзасидан расмий баёнот берди.
Маълум қилинишича, Андижон вилояти, Булоқбоши туманида жойлашган каналда кичик ГЭС қурилиши доирасида вақтинчалик сув айланма канали орқали йўналтирилган сув оқими натижасида каналнинг ўнг қирғоғида ер қирилиш ҳолати юз берди.
Бу лойиҳа Россия Федерациясининг “МПР” молия институти маблағлари ҳисобидан амалга оширилаётган JFK-3 кичик ГЭС қурилиши билан боғлиқ бўлиб, унинг қуввати 6,9 МВтни ташкил қилади ва йилига 33 миллион кВт·соат электр энергияси ишлаб чиқариши мўлжалланган.
Айланма канал 60 м³/с сув ўтказишга мўлжалланган бўлса-да, амалда 70 м³/с сув оқиб ўтиши натижасида ер қирилиш ҳолати кузатилган.
Ҳозирда техник носозликни бартараф этиш ишлари жадал суръатда амалга оширилмоқда. Барча зарур техника ва ишчи кучи жалб этилган бўлиб, 9 май куни соат 14:00 га қадар каналнинг одатий иш тартиби тўлиқ тикланиши режалаштирилган.
Муҳими, аҳолига тегишли уй-жой ва томорқа хўжаликларига етказилган зарарлар тўлиқ қоплаб берилса, деган расмий ваъда берилди.
