Мазкур корхонанинг очилиш маросими катта тантанага айланди, унда инвесторлар, Учкўприк тумани ҳокимлиги масъуллари, фаоллар ҳамда нуронийлар иштирок этди.
Хитойлик ишбилармонлар билан ҳамкорликда ташкил этилган лойиҳа учун тўғридан-тўғри 11 млн доллар инвестиция йўналтирилди ҳамда замонавий дастгоҳлар ўрнатилди.
300 та янги иш ўринлари яратилди. Биринчи босқичдаги лойиҳа доирасида бу ерда йилига 250 минг дона қўрғошинли аккумуляторлар ишлаб чиқарилади. Хитойлик инвесторлар бу ерда 60 млн долларлик яна бир лойиҳани бошламоқда. Рамзий лента қирқилиб, иштирокчилар корхона фаолияти билан танишдилар.
