Маданий мерос агентлиги матбуот хизмати музейлардаги расмлар сотилаётганига расмий муносабат билдирди.
Қайд этилишича, ижтимоий тармоқларда Санъат музейи коллекциясига алоқадорлиги айтилаётган санъат буюмлари онлайн сотувга чиқарилган. Бу эса кенг муҳокамаларга сабаб бўлган.
Мазкур ҳолат юзасидан маъсуллар сотувга қўйилган санъат асарларини синчковлик билан кўздан кечирди. Бу ҳақдаги тегишли суриштирув ва тушунтириш ҳисоботлари музей муҳофизлари томонидан ўрганилган.
Маълумотларга кўра, мазкур суратлар музей коллекциясига мансуб эмас ҳамда уларнинг электрон сотувга чиқарилиши билан Санъат музейининг реконструкция ва жорий таъмирлаш учун ёпилиши ўртасида ҳеч қандай боғлиқлик йўқ.
Санъат музейининг барча экспонатлари тўлиқ рақамлаштирилган, давлат музейларидаги электрон идентификация қилинувчи музей ашёлари ва сара тўпламлари сони барқарор ўсишда давом этмоқда.
