2019 yil 5 avgust kuni Vazirlar Mahkamasining “Faxriy fuqaro” maqomini berish tartibi to`g`risida Hukumat qarori qabul qilindi.
Qarorga ko`ra, ushbu maqom iqtisodiyot, fan, madaniyat va san`at, ta`lim, sog`liqni saqlash va ijtimoiy sohaning rivojlanishiga katta investisiya kiritgan, shuningdek, O`zbekiston Respublikasida xayriya faoliyatini amalga oshirayotgan chet el fuqarolari va fuqaroligi bo`lmagan shaxslarga beriladi.
Ushbu maqom Prezident tashabbusi bilan berilishi mumkin.
Bunda qaror Senat tomonidan qabul qilinadi, guvohnoma esa Senat raisi tomonidan imzolanadi va topshiriladi.
Agar ushbu tashabbus davlat va xo`jalik boshqaruvi organlari tomonidan berilgan bo`lsa, qaror tegishlicha Qoraqalpog`iston Respublikasi Jo`qorg`i Kengesi, xalq deputatlari viloyatlar va Toshkent shahar Kengashlari tomonidan qabul qilinadi.
Ushbu maqom O`zbekiston Respublikasi fuqaroligini olish uchun asos hisoblanmaydi.
