2019 yilning iyunm oyi meteo kuzatuvlar tarixi davomida sayyoramizdagi eng issiq mavsum sifatida qayd etildi. Bu haqda Euronews.com nashri xabar berdi.
Bu haqda sun`iy yo`ldoshlardan olingan ma`lumotlar asosida Er ekologiyasi va iqlimini monitoring qilib boruvchi “Kopernik” dasturi rahbariyati ma`lum qildi. Iyun oyidagi o`rtacha harorat 2016 yilgi rekord ko`rsatkichdan 0,1 gradusga ortiq bo`ldi. Ayniqsa anomal jazirama Evropada kuzatildi. Bu erda ko`rsatkichlar normadan ikki darajaga ortdi. O`tgan haftada Germaniya, Ispaniya va Italiyaning shimoliy qismlarida havo harorati rekord darajada isib ketishi kuzatildi.
Fransiyada esa mutloq rekord ko`rsatkich qayd etildi. Bu erda havo harorati soya joyda 45,9 darajaga qadar ko`tarildi. “Kopernik” dasturi mutaxassislari o`tgan va undan oldingi asr meteoma`lumotlarni va sun`iy yo`ldoshlardan olingan yangi ma`lumotlarni o`rganib chiqishdi. Natijada iyun oyida Evropada o`rtacha harorat 1850-1900 yillardagi o`rtacha haroratga nisbatan uch daraja yuqori bo`lgan, degan xulosaga kelishdi. Mutaxassislar yoz mavsumida haroratning yanada ko`tarilishi va qurg`oqchilik kuzatilishi mumkinligini istisno etishmayapti.
