Yaponiyaning Osaka shahrida bo`lib o`tgan “Katta yigirmatalik” sammiti doirasida Rossiya va AQSh prezidentlari – Vladimir Putin va Donald Tramp uchrashuvi bo`lib o`tdi.
Bir yarim soatlik muloqot davomida prezidentlar ikki davlat va butun dunyo miqyosidagi munosabatlarni muhokama qilishdi.
“Uchrashuvda Eron, Suriya, Venesuela va Ukrainadagi vaziyat muhokama qilindi”, deyiladi Oq uy ma`lumotida. Bundan tashqari, Putin va Tramp qurollanish ustidan nazoratni takomillashtirishga ham kelishib olgan.
