O`zbekiston Respublikasi Ichki ishlar vazirligining hududiy tizimlarida rahbarlik lavozimlariga yangi tayinlovlar amalga oshirildi.
Vazirlik matbuot xizmati xabar berishicha, podpolkovnik Mansur Xoliyorovich Qodirov Buxoro viloyati Ichki ishlar boshqarmasi boshlig`ining birinchi o`rinbosari lavozimiga tayinlangan.
2018 yil iyunidan buyon Buxoro viloyati Ichki ishlar boshqarmasi boshlig`ining birinchi o`rinbosari lavozimida ishlab kelgan podpolkovnik Aziz Muxtorovich Qarshiev Navoiy viloyati Ichki ishlar boshqarmasi boshlig`ining birinchi o`rinbosari lavozimiga o`tkazilgan.
Shuningdek, podpolkovnik Nodirbek Musirmanovich Ismailov Qashqadaryo viloyati Mirishkor tumani Ichki ishlar bo`limi boshlig`i lavozimiga, mayor Farrux Xolmuratovich Abraev Qashqadaryo viloyati Dehqonobod tumani Ichki ishlar bo`limi boshlig`i lavozimiga tayinlangan.
