Shvesiyada o`z qizlarini vegeterianlikka majburlagan ota-ona qamoqqa olindi, deya xabar berdi Dagens Nyheter nashri.
Geteborg shahri sudi qizchaning ota-onasiga uch oylik qamoq jazosini chiqargan. Qizcha ochlik va vitaminlar etishmasligi natijasida kasalxonaga tushganidan so`ng bu haqda polisiya xabar topgan. Bir yarim yoshlik qizchaning vazni olti kilogramm bo`lgan, aslida, bu yoshda bolalarning vazni to`qqiz-o`n kilo bo`lishi lozim. Ota-ona bolaga faqat sabzavotli taomlar berib, go`shtli mahsulotlardan mosuvo qilgan.
