Bojxona organlari tomonidan giyohvand moddalarning noqonuniy aylanmasiga qarshi keskin kurash olib borilmoqda.
Xususan, Farg`ona viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari huquqni muhofaza qiluvchi boshqa idoralar bilan hamkorlikda Rishton tumanida tezkor tadbir o`tkazishdi. Tadbir davomida, fuqaro L.L.ning yashash xonadoni belgilangan tartibda xolislar ishtirokida ko`zdan kechirildi.
Natijada, xonadon tomorqasidagi pomidor ko`chatlari orasida agrotexnik ishlov berib parvarishlangan, uzunligi 40-110 santimetr bo`lgan 63 tup ko`knori giyohvandlik o`simliklari borligi aniqlandi.
Hozirda mazkur holat yuzasidan bojxona tekshiruvlari amalga oshirilmoqda.
