Bugun, 27 dekabr kuni O`zbekiston Prezidenti Shavkat Mirziyoev va Rossiya Federasiyasi Prezidenti Vladimir Putin o`rtasida telefon muloqoti bo`lib o`tdi. Bu haqda Kreml matbuot xizmati xabar berdi.
Davlat rahbarlari bir-birini kirib kelayotgan Yangi yil bayrami bilan qutladi.
"Muloqot davomida ikki tomonning kun tartibida bo`lgan muhim masalalar, jumladan, Rossiya Prezidentining 2018 yilning oktyabr oyida O`zbekistonga tashrifi davomida erishilgan kelishuvlarning amalga oshirilishi muhokama qilindi. Strategik hamkorlikni mustahkamlash, siyosat, savdo-iqtisodiy, gumanitar va boshqa sohalarda ikki tomonlama aloqalarni yaxshilashga kelishib olindi", – deyiladi Kreml xabarida.
