Toshkentda 7900 AQSh dollarini 66,7 mln so`mga noqonuniy ravishda sotgan ikki shaxs qo`lga olindi.
"Departamentning Toshkent shahar boshqarmasi hamda Mirzo-Ulug`bek tuman bo`limi xodimlari bilan hamkorlikda o`tkazilgan tezkor tadbirda, fuqarolar B. va U.lar har bir AQSh dollarini «qora bozor» narxida 8450 so`mdan hisoblab, 7.900 AQSh dollarini 66,7 mln so`mga noqonuniy ravishda sotgan vaqtda ushlanganlar. Ulardan 7900 AQSh dollari ashyoviy dalillar sifatida olingan", - deyilgan Bosh prokuratura matbuot xizmati xabarida.
Mazkur holat yuzasidan fuqarolar B. va U.ga nisbatan jinoyat ishi qo`zg`atilib, tergov harakatlari o`tkazilmoqda.
