AQShning Kaliforniya shtatidagi San-Bernardo shahridagi maktablardan birida bo`lgan otishmada ikki kishi halok bo`ldi, deb xabar berdi Ntv.ru nashri.
Shu bilan birga ikki nafar o`quvchi ham jabrlanib, kasalxonaga yotqizildi.
Polisiya bergan ma`lumotga ko`ra, qurollangan erkak mazkur maktabda o`qituvchi bo`lib ishlaydigan rafiqasi sinflardan birida dars o`tayotganda kirib, avval rafiqasiga qarata o`q uzgan, keyin o`z joniga qasd qilgan. Ayni paytda maktab yopilib, vaziyatga oydinlik kiritilmoqda.
