Surxondaryo viloyatida haydovchilik guvohnomasini olib berishni va'da qilgan shaxs fosh etildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Ma'lum qilinishicha, departamentning Denov tumani bo'limi tomonidan o'tkazilgan tekshiruvda muqaddam sudlangan fuqaro Q.D. uch nafar shaxsning ishonchiga kirgan. U go'yoki viloyat YXHBda ishlovchi tanishlari orqali "B" va "C" toifadagi haydovchilik guvohnomalarini olib berib berishini aytib, ulardan jami 17,3 mln so'm pul olgan.
Aniqlanishicha, usbu mablag'lar firibgarlik yo'li bilan qo'lga kiritilgan.
Mazkur holat yuzasidan Jinoyat kodeksining 168-moddasi (firibgarlik) hamda 28, 211-moddasi (pora berish) bilan jinoyat ishi qo'zg'atilgan.
Hozirda tergov harakatlari olib borilmogda.
