Eronning yer ostida qurilgan va raketa arsenalini yashirishga moʻljallangan "raketa shaharlari" AQSh va Isroil zarbalari uchun asosiy nishonlardan biriga aylanmoqda. Bu haqda The Wall Street Journal nashri xabar berdi.
Maʼlum qilinishicha, harbiy samolyotlar va dronlar tunnel majmualaridan chiqayotgan raketa uchirish qurilmalarini nishonga olmoqda. Shuningdek, bunkerlarni yorib kirishga moʻljallangan kuchli bombalar tunnel kirish joylari hamda yer ustidagi infratuzilmaga zarba bermoqda.
AQSh qoʻmondonlari maʼlumotiga koʻra, hujumlar natijasida yuzlab raketalar, uchirish qurilmalari va dronlar yoʻq qilingan. Soʻnggi toʻrt kun ichida Eron tomonidan amalga oshirilgan raketa uchirishlar soni taxminan 86 foizga kamaygani qayd etilgan.






