SpaceX asoschisi Ilon Mask xAI xodimlari bilan uchrashuvda Oyda sun’iy yo‘ldoshlar ishlab chiqarish zavodi va ularni kosmosga otib chiqaradigan elektromagnit tizim barpo etish niyati borligini ma’lum qildi.
Uning so‘zlariga ko‘ra, kelajakda Starship yordamida Oyga katta hajmda yuk yetkazish mumkin bo‘ladi va mahalliy resurslardan foydalanib sun’iy yo‘ldoshlar ishlab chiqariladi. Keyin esa ular maxsus elektromagnit katapulta orqali orbitaga chiqariladi.
Maskning fikricha, bu usul sun’iy intellekt uchun zarur hisoblash quvvatlarini ta’minlashning eng arzon yo‘llaridan biriga aylanishi mumkin. Shuningdek, NASA va SpaceX Oyda doimiy baza yaratish rejalarini ham ishlab chiqmoqda.
