Qo‘shma bayonotda aytilishicha, so‘nggi oylar davomida Aspinall va shifokorlar uning sog‘ayishi ustida ish olib borgan. "Ikkala ko‘zi ham operatsiya qilindi va biz uning ko‘rish qobiliyatini jangga tayyor darajaga qaytarish yo‘lidagi safarimizni davom ettirmoqdamiz", deyiladi xabarda.
Eslatib o‘tamiz, 2025 yil 25 oktyabr kuni Abu-Dabida bo‘lib o‘tgan UFC 321 turnirida Aspinall va Siriyl Gan o‘rtasidagi chempionlik jangi birinchi raundda to‘xtatilgan edi.
Ganning zarbasidan so‘ng Aspinallning ikkala ko‘zi ham jarohat olgan, shundan keyin hakam tibbiy sabablarga ko‘ra jangni bekor qilgan va u rasmiy ravishda o‘tkazilmagan deb topilgan.
