Donald Trump ma'muriyati Shimoliy Koreyaga xalqaro gumanitar yordam yetkazib berishga qo'yilgan cheklovlarni olib tashlash niyatida. Bu haqda The Wall Street Journal xabar berdi.
Qayd etilishicha, gap BMT Xavfsizlik Kengashining KXDRga nisbatan sanksiyalar qoʻmitasida gumanitar yuklar uchun beriladigan sanksion istisnolarni blokdan chiqarish haqida bormoqda. Bir necha oy davomida AQSh gumanitar ta'minot maqsadsiz ishlatilishi mumkinligidan xavotir bildirib, ruxsatnomalar berilishini muzlatib kelgan. Nashr ma'lumotlariga ko'ra, endilikda Vashington barcha cheklovlarni bekor qilishni rejalashtirmoqda, bu esa xalqaro yordam yo'lini ochadi.
Qaror KXDR yetakchisi Kim Chen Inning Rossiya va Xitoy bilan aloqalari chuqurlashib borayotgan bir paytda qabul qilinishi ta'kidlanmoqda. Shu bilan birga, gazetaning qayd etishicha, gumanitar yordamning qayta yo'lga qo'yilishi Pxenyan va Vashington o'rtasidagi munosabatlar yaxshilanishini anglatmaydi.
WSJ ma'lumotlariga ko'ra, Kim Chen In so'nggi yillarda Trumpning tashabbuslari hamda o'tgan yili Janubiy Koreya prezidenti etib saylangan, koreyslararo munosabatlarni yaxshilash tarafdori bo'lgan Li Chje Myonning sa'y-harakatlariga qaramay, AQSh yoki Janubiy Koreya bilan mulotga qiziqish bildirmagan.
