“Bugun yarim tunda — 20 yanvar kunidan boshlab 23 yanvar yarim tungacha uch kunlik rasmiy motam e’lon qilinadi”, — dedi hukumat rahbari. Shuningdek, u fojia sabablarini o‘rganishda to‘liq shaffoflik ta’minlanishini va’da qildi.
18 yanvar kunida Ispaniyada ikki tezyurar poezd rel’sdan chiqib ketishi oqibatida kamida 40 kishi halok bo‘lgan. So‘nggi ma’lumotlarga ko‘ra, jabrlanganlar soni 150 nafardan oshgan.
Halokat Kordoba viloyatidagi Adamus shahri yaqinida, Madriddan taxminan 360 kilometr janubda sodir bo‘lgan. Madriddan Uel’va shahriga harakatlanayotgan 27 yoshli poezd mashinisti ham halok bo‘lgan. Ikki poezdda jami 317 nafar yo‘lovchi bo‘lgani qayd etilgan.
Yanvar oyi sayyohlik mavsumi hisoblanmaganligi sababli, poezdda bo‘lgan yo‘lovchilar orasida necha nafar sayyoh borligi hozircha aniq emas.
