O'z navbatida, rasmiy Tehron Trampning bayonotiga javob qaytardi. Eron Oliy milliy xavfsizlik kengashi kotibi Ali Larijoniy AQShning Eron ichki ishlariga aralashuvi butun Yaqin Sharqni beqarorlashtirishga olib kelishi mumkinligini ta'kidladi.
Eslatib o'tamiz, 28 dekabrdan buyon Eronda iqtisodiy qiyinchiliklar va yuqori inflyatsiya fonida norozilik namoyishlari davom etmoqda.
Rasmiy ma'lumotlarga ko'ra, to'qnashuvlar chog'ida 6 kishi halok bo'lgan, 17 kishi jarohat olgan. Noroziliklar mamlakatning bir qator yirik shaharlariga tarqalgan, xavfsizlik kuchlari esa namoyishlarni tashqi kuchlar bilan bog'lamoqda.
