Kreml matbuot xizmatiga ko‘ra, Imomali Rahmon 28–29 dekabrga o‘tar kechasi Novgorod viloyatida joylashgan Rossiya Prezidenti qarorgohiga Ukraina tomonidan amalga oshirilgani aytilgan dron hujumini keskin qoralagan. Bayonotda usbu hodisa Rossiya—Amerika aloqalari fonida tinch yo‘l bilan hal etish bo‘yicha harakatlar kuchaygan paytda sodir bo‘lgani alohida ta’kidlangan.
Suhbat davomida tomonlar Afg‘onistondagi vaziyatni hisobga olgan holda mintaqaviy masalalarni ham muhokama qilgan hamda Rossiya—Tojikiston strategik sherikligi va ittifoqini mustahkamlashga sodiq ekanini tasdiqlagan. Muloqot yakunida rahbarlar bir-birini Yangi yil bilan samimiy tabriklagan.
Avvalroq Rossiya TIV rahbari Sergey Lavrov 29 dekabrga o‘tar kechasi Ukraina tomonidan 91 ta dron yordamida Putin qarorgohiga hujum uyushtirilgani aytilganini ma’lum qilgan, biroq qurbonlar va zarar haqida ma’lumot berilmagan. AQSh Markaziy razvedka boshqarmasi esa mazkur hujum qarorgohka qaratilmagan, deb hisoblayotganini bildirgan.
Eslatib o‘tamiz, bundan oldin O‘zbekiston Prezidenti Shavkat Mirziyoyev ham Vladimir Putin bilan telefon orqali muloqot qilib, aytilayotgan usbu hujumga urinishni qoralagan edi.
